KosovaLive360

Në kohën kur turistë të shumtë, profesionistë e artdashës nga e gjithë bota po marrin pjesë në Bienalen e Artikekturës në Venecia, Republika e Kosovës është prezantuar për herë të parë edhe me ekspozitën “Urbanizmi i ri dhe bashkëjetesa kulturore në Kosovë”, në hapësirat e Qendrës Kulturore Evropiane në Venecia.

Trashëgimia e pasur kulturore, bashkëjetesa fetare, krijime të tjera artistike të talentëve të rinj, fëmijëve me autizëm, zunë vend në një nga ekspozitat në kuadër të Bienales së Venecias, e cila u vizitua nga drejtues institucionesh dhe zgjoi interesimin e shumë vizitorëve nga vende të ndryshme të botës.

“Imazhet e Kosovës ishin mes projekteve më brilante të studiove të dëshmuara arkitekturore më të madhe të botës, fakulteteve të kësaj lëmie në gjithë globin. Ura e Gjakovës, objektet e tre feve që bashkëjetojnë shpesh në viset tona, shkolla e vjetër shqipe e Prishtinës, u bënë pjesē e vitrinës më të ndritshme të botës në arkitekturë, në ndërtesën e Qendrës Kulturore Europiane, mu në midis tē Venedikut plot turistë nga gjithë bota.
 Kosova po bëhet më e njohur.”, ka thënë ministri i Jashtëm, Behgjet Pacolli përderisa e ka vizituar këtë ekspozitë.

Kjo ekspozitë do të qëndrojë e hapur deri me 25 nëntor, 2018, ndërsa pritet të vizitohet nga qindra mijëra turistë nga vende të ndryshme.

Kuratore e ekzpozitës ishte drejtorja artistike e Fondacionit “Ibrahimi Kodra”, Maria Pacolli, ndërsa ajo u organizua falë mbështetjes dhe bashkëpunimit nga Ministria e Kulturës, Rinisë dhe Sporteve, Ministria e Mjedisit dhe Planifikimit Hapësinor dhe Ministria e Punëve të Jashtme.

Të Rekomanduara